Շիրակի մարզի Հացիկ գյուղում այսօր՝ օգոստոսի 17-ին, հողին են հանձնել օգոստոսի 14-ին կախված հայտնաբերված ժամկետային զինծառայող Աբաս Սլոյանին:

Հուղարկավորությանը մասնակցել են նաեւ ՊՆ բարձրաստիճան զինվորականներ: Նշենք, որ Աբաս Սլոյանն ընդամենը 20 օր առաջ էր մեկնել ծառայության: Նա ազգությամբ եզդի էր, ծառայում էր Արմավիրի զորամասերից մեկում:

Ըստ Քննչական կոմիտեի՝ 2017թ. օգոստոսի 14-ին ժամը 19:30-ի սահմաններում Շիրակի մարզի Հացիկ գյուղի 14-րդ փողոցի տներից մեկի օժանդակ կառույցում հայտնաբերվել է նույն գյուղի բնակիչ, ՀՀ ՊՆ N զորամասի ժամկետային զինծառայող, 19-ամյա Աբաս Սլոյանի դիակը` կախված վիճակում: Դեպքի առթիվ հարուցվել է քրեական գործ Քրեական օրենսգրքի 110-րդ հոդվածի 1-ին մասով, նշանակվել է դատաբժշկական փորձաքննություն։

Քննությամբ պարզվել է, որ Ա.Սլոյանն օգոստոսի 13-ին առավոտյան ինքնակամ թողել է ծառայության վայրը եւ վերադարձել տուն՝ Հացիկ գյուղ։