Մեկ մարդ մահացել է, եւս 7 մարդ վիրավորվել Իսպանիայի Ալկանար քաղաքում թմրալաբորատորիայում տեղի ունեցած պայթյունի հետեւանքով, հայտնում է Cadena Ser ռադիոկայանը:
Պայթյունի հետեւանքով շենքն ամբողջությամբ ավերվել է: Պատահարի պահին շենքի ներսում 2 մարդ կար, մեկը մահացել է, մյուսը ծանր վնասվածքներ ստացել: Մյուս 6 տուժածները գտնվել են հարեւան շենքերում: Նրանք աննշան վնասվածքներ են ստացել: Տուժածների թվում են Ֆրանսիայի, Իտալիայի, Մարոկկոյի եւ Իսպանիայի քաղաքացիներ:
Հարվածային ալիքի հետեւանքով ընդամենը 12 հարակից շենքեր են վնասվել:
Պայթյունի պատճառը, հավանաբար, գազի արտահոսքն է:
