Հայաստանը միակ երկիրն է աշխարհում, որտեղ զարգանում է եզդիական մշակույթը։Այս մասին օգոստոսի 17-ին մամուլի ասուլիսի ժամանակ հայտարարել է Հայաստանի եւ աշխարհի եզդիների միության նախագահ Ազիզ Թամոյանը։

Եզդիների միության նախագահը հիշեցրեց, որ Հայաստանում գործում են եզդիների համար նախատեսված դպրոցներ, պետական մակարդակով դասագրքեր են հրատարակվում, ռադիոհաղորդում է թարգմանվում։

«Եթե աշխարհում եզդիներ չմնան, Հայաստանում նրանք կապրեն ու կզարգանան»,-հայտարարեց Ազիզ Թամոյանը։