Նախկին ոստիկան Խոսրով Ստեփանյանի մասնակցությամբ ծեծկռտուքի գործով դատաքննությունը կվերսկսվի: Նիստը նախագահող դատավոր Տաթեւիկ Գրիգորյանը խորհրդակցական սենյակից վերադառնալուց հետո որոշում կայացրելց դատաքննությունը վերսկսելու մասին, բացի այդ գործով ամբաստանյալներից մեկը՝ Կարեն Սափրիչյանը, արդարացվեց՝ հանցակազմի բացակայության հիմքով:
Խոսրով Ստեփանյանը մեղադրվում է տնամերձ հողատարածքի շուրջ առաջացած վիճաբանության ժամանակ հարեւանին՝ Կարեն Սափրիչյանին, հարվածներ հասցնելու մեջ: Խոսրով Ստեփանյանի հարեւանին՝ Կարեն Սափրիչյանին եւս մեղադրանք էր առաջադրվել՝ հարեւանին հարվածելու համար:
Նրանք 2016 թվականի հուլիսի 31-ին միջանձնային անհաշտ փոխհարաբերությունների պարզաբանման շուրջ ծագած վիճաբանության ընթացքում ձեռքերով եւ ոտքերով հարվածներ են հասցրել միմյանց ՝ պատճառելով առողջության թեթեւ վնասի հատկանիշներ չպարունակող մարմնական վնասվածքներ : Նրանց մեղադրանք է առաջադրվել ՔՕ 118-րդ հոդվածի հատկանիշներով՝ Ծեծը: Նրանց նկատմամբ խափանման միջոց է ընտրվել ստորագրությունը չհեռանալու մասին:
