Կոնգրեսական Ռաջա Կրիշնամուրտին դարձել է ԱՄՆ կոնգրեսի հայկական հարցերով կոմիտեի անդամ։ Այս մասին հայտնում է Հայ դատի Ամերիկայի հանձնախումբը։
Իլինոյս նահանգի 8-րդ օկրուգից ընտրված կոնգրեսական Կրիշնամուրտին հիմա Ներկայացուցիչների պալատի կրթության ու աշխատանքային ռեսուրսների կոմիտեի ու հսկողության ու կառավարական բարեփոխման հարցերով կոմիտեի անդամ է։
«Նրա լայն աշխարհայացքը ու պատմության հանդեպ հարգանքը միանշանակ նրան հնարավորություն են տալիս առաջատար դեր կատարել։ Բացի այդ՝ նա իր ձեռներեցային ոգով այն բարեկամն է, որի կարիքն ունի Հայաստանը»․- հայտնել է հանձնախմբի անդամ Օսկար Թաթոսյանը։
Նշում են, որ Կրիշնամուրտին ներկա է գտնվել այս տարվա ապրիլին Հայոց ցեղասպանության զոհերի հիշատակին նվիրված միջոցառումներին Կապիտոլիումի բլրի վրա։ Նա նաեւ նախագահ Դոնալդ Թրամփին ուղղված երկկուսակցական նամակ է ստորագրել ՝ կոչ անելով նրան ճանաչել Հայոց ցեղասպանությունը։