Լոնդոնում բարձրահարկ շենքի այրվելու կադրերը հեռուստատեսությամբ ցուցադրելուց հետո ավելի մեծ թվով թոշակառու հրշեջներ են դիմել բժիշկներին։ Այս մասին հաղորդում է «ՌԻԱ Նովոստի»-ն՝ վկայակոչելով բրիտանական The Fire Fighters Charity բարեգործական կազմակերպությունը, որը հրշեջ ծառայության աշխատակիցներին աջակցություն է ցուցաբերում։
Նրա տվյալներով՝ Grenfell Tower –ի ողբերգությունից հետո ամբողջ երկրում ավելացել է թոշակի անցած հրշեջների՝ բժիշկներին դիմելու թիվը։ Նրանք բողոքել են իրենց հոգեկան վիճակից։
The Fire Fighter's Charity-ն ծավալված իրադրությունը լուրջ է համարում՝ նշելով, որ նման խանգարումների հետեւանքները երկարաժամկետ ազդեցություն են ունենում հրշեջի եւ նրա ընտանիքի վրա։