Motorola-ի ինժեներները վերջերս պատենտավորել են դիսփլեյների ինքնավերականգնման տեխնոլոգիա բջջային սարքերի համար։ Այս մասին հայտնում է Hi-Tech News պորտալը։
Ըստ պատենտի՝ Motorola-ն ծրագրում է սմարթֆոնների համար օգտագործել հատուկ պոլիմեր՝ հիշողության էֆեկտով, որն ունակ է բուժել ինքն իրեն մակերեսի ջերմաստիճանի բարձրացման օգնությամբ։ Սմարթֆոնն ինքնուրույն կարող է տաքացնել էկրանի մակերեսը, որպեսզի ծածկույթն ավելի առաձգական դարձնի ու ճաքերը փակի։ Օգտատերն ընդամենը պետք է նշի, թե հատկապես որ մասում է ճաքը։ Չնայած տեխնոլոգիան պետք է աշխատի նաեւ մարդու մարմնի ջերմությամբ կամ էլ հատուկ արտաքին տաքացուցիչի ջերմությամբ, որն ընկերությունն արդեն նշել է պատենտի մեջ։
Սա առայժմ ընդամենը պատենտ է, որը դեռ չի նշանակում, որ տվյալ տեխնոլոգիան շուտով կաշխատի։ Motorola-ն ու դրան պատկանող Lenovo-ն կարող են երբեք չօգտվել դիսփլեյների վերականգնման այս մեթոդից իրենց ապագա սմարթֆոնների համար։