Կատալոնիայի ոստիկանությունը հերքել է լրատվամիջոցների տեղեկությունները՝ Բարսելոնի ռեստորաններից մեկում թաքնվող զինված մարդկանց մասին։
«Բարսելոնի կենտրոնում ոչ մի ռեստորանում որեւէ մեկը չի թաքնվել»,- գրել է ոստիկանությունը Twitter-ում։
Հիշեցնենք, որ օգոստոսի 17-ին Բարսելոնի կենտրոնում միկրոավտոբուսը մխրճվել էր մարդկանց բազմության մեջ, ինչի հետեւանքով զոհվել է առնվազն 13 մարդ։ Ավելի վաղ հայտնել էին, որ երկու զինված մարդիկ, որոնք կարող են առնչություն ունենալ հարձակմանը, թաքնվել են ռեստորաններից մեկում ու մարդկանց են պատանդառել։ Ոստիկանությունը բանակցություններ է վարում։