Դրիդ Ուկաբիրը, որին համարում են Բարսելոնում տեղի ունեցած ահաբեկչության մեջ կասկածվող, օգոստոսի 17-ի երեկոյան եկել է ոստիկանություն ու հայտնել, որ իր փաստաթղթերը գողացել են։ Այս մասին հայտնում է La Vanguardia թերթը։
Ուկաբիրը ոստիկաններին ասել է, որ իր լուսանկարը լրատվական ծրագրում է տեսել։ Ահաբեկչության պահին նա, իր խոսքով, Ռիփոլ քաղաքում է գտնվել, որը նրա բնակության վայրն է։
Ռիփոլի քաղաքապետի խոսքով՝ Ուկաբիրի փաստաթղթերի գողության մեջ կասկածում են նրա եղբորը՝ 18-ամյա Մուսա Ուկաբիրին։ Նա կարող է առնչություն ունենալ ահաբեկչության հետ։
Հրապարակումից պարզ չէ, արդյոք Ուկաբիրը կալանավորված է։ Հայտնի չէ նաեւ, արդյոք մինչ այդ հենց նրա ձերբակալության մասին էին հայտնել։ Ավելի վաղ հայտնել էին, որ Դրիս Ուկաբիրն ու եւս մեկ կասկածյալ ձերբակալված են։ Ուկաբիրի անունով է վարձակալված մեքենաներից մեկը, որն օգտագործել էին հանցագործները։