Հայաստանի եւ Ադրբեջանի ԱԳ նախարարների հանդիպման ընթացքում, հնարավոր է, քննարկվի 2 երկրների նախագահների հանդիպման կազմակերպման հարցը: Այս մասին NEWS.am-ի հետ զրույցում ասաց ԱԳ փոխնախարար Շավարշ Քոչարյանը:
Նրա խոսքով՝ բնական է, որ Հայաստանի եւ Ադրբեջանի նախագահների հանդիպման առումով ինչ-որ համաձայնության հասնելու համար առաջին հերթին պետք է աշխատեն 2 երկրների ԱԳ նախարարները:
Ըստ փոխնախարարի՝ ԱԳ նախարարների հանդիպում նախատեսվում է: «Երբ այս բանացությունները վարվեն, միանգամայն հնարավոր է, որ քննարկվի նաեւ նախագահների հանդիպման կազմակերպման հարցը»,- նշեց Քոչարյանը:
Հիշեցնենք, որ Հայաստանի եւ Ադրբեջանի ԱԳ նախարարներ Էդվարդ Նալբանդյանը եւ Էլմար Մամեդյարովը սեպտեմբերի երկրորդ կեսին կհանդիպեն Նյու Յորքում: Ավելի վաղ ԵԱՀԿ Մինսկի խմբի համանախագահներն առաջարկել են Հայաստանի եւ Ադրբեջանի նախագահների հանդիպումը կազմակերպել մինչեւ 2017-ի վերջը:
