Օդեսայի բանտում դատապարտյալը սպանել է մեկուսարանի աշխատակցուհուն եւ մասերի բաժանել նրա մարմինը։ Այս մասին «Ինտերֆաքս Ուրաինա»-ին հայտնել են Օդեսայի մարզի ոստիկանության գխավոր վարչությունում։

Կնոջ մարմնի մասերը հայտնաբերել են հաստատության մյուս աշխատակիցները։ Ավելի ուշ դեպքի վայր ժամանած քննչական-օպերատիվ խումբն աղբարկղում գտել է մարմնի մյուս մասերը եւ զոհի իրերը։

Պարզվել է՝ մարդասպանը մեկուսարանում գտնվող 39-ամյա դատապարտյալն է, որն արդեն պատասխանատվության ենթարկվել էր կողոպուտի եւ կանխամտաված սպանության համար։

Ներկա դրությամբ դեպքի վայրում աշխատում են ոստիկանության աշխատակիցները։