Բարսելոնում եւ Կամբրիլսում ահաբեկչությունների հետեւանքով զոհվել եւ տուժել են 34 երկրի քաղաքացիներ, հայտնում է «ՌԻԱ Նովոստի»-ն՝ վկայակոչելով Կատալոնիայի արտակարգ իրավիճակների ծառայությանը:
«Կամբրիլսում եւ Բարսելոնում իրագործված ահաբեկչությունների հետեւանքով զոհվածները եւ վիրավորները, նախնական տեղեկություններով, 34 տարբեր երկրների քաղաքացիներ են»,- նշված է Կատալոնիայի արտակարգ իրավիճակների ծառայության Twitter-ում հրապարակված հաղորդագրության մեջ:
Նախօրեին ավտոմեքենաները մարդկանց բազմության մեջ են մխրճվել Բարսելոնի կենտրոնում, ինչպես նաեւ Կամբրիլս քաղաքում: Վերջին տվյալներով՝ ընդհանուր 14 մարդ է զոհվել, ավելի քան 100 մարդ վնասվածքներ է ստացել: Ահաբեկչության պատասխանատվությունը ստանձնել է «Իսլամական պետություն» խմբավորումը: Ոստիկանությունը ներկայումս ձերբակալել է մի քանի կասկածյալների, Բարսելոնում մարդկանց բազմության մեջ մխրճված ավտոմեքենայի վարորդի որոնումները շարունակվում են:
