Բելառուսի նախագահ Ալեքսանդր Լուկաշենկոն այցելել է Շկլովի եւ Օրշանի շրջանի տնտեսություններ եւ ծանոթացել բերքահավաքի ընթացքին։ Այս մասին հաղորդում է Բելառուսի նախագահի մամուլի ծառայությունը։
Լուկաշենկոյի խոսքով՝ ինքն աշխատանքի է եկել։
«Սա նախագահի դաշտն է։ Ժամանակին ինչ-որ մեկն ասել է այդ մասին։ Դա իսկապես իմ դաշտն է, որտեղ ես աշխատում էի»,-հստակեցրել է նախագահը։
Դաշտում նախագահին են ներկայացրել КЗС-1624-1 կոմբայնը։
«Հետո նախագահ առաջարկել է փորձրկել կոմբայնը։ Կոմբայնավարի տեղը զբաղեցրել է գյուղատնտեսական ձեռնարկատիրության աշխատակիցներից մեկը։ Նրա կողքին տեղավորվել է նախագահի կրտսեր որդին՝ Նիկոլայը։ Ալեքսանդր Լուկաշենկոն տեղ է զբաղեցրել խցիկի կողքին գտնվող հարթակում եւ ընթացքում ծանոթացել աշխատանքին»,-ասվում է մամուլի ծառայության հաղորդագրությունում։
Հայտնել են նաեւ, որ նախագահը ցույց է տվել՝ ինչպես հացահատիկը մանգաղով հնձել։