Բարսելոնում եւ Կամբրիլսում ահաբեկչությունների կազմակերպիչները եւս մեկ հարձակում էին ծրագրում, որը գազի բալոնների պայթյուն էր ենթադրում։ Այս մասին հաղորդում է «ՏԱՍՍ»-ը՝ վկայակոչելով Reuters գործակալությունը։
Նրանց տվյալներով՝ խմբավորումը, եշորը ենթադրաբար կանգնած է ահաբեկչությունների հետեւում, բաղկացած է առնվազն 8 գրոհայիններից։
Չորեքշաբթի լույս հինգշաբթի գիշերը Ալկանար բնակավայրում պայթյուն է որոտացել, որի հետեւանքով մեկ մարդ զոհվել է, 7-ը տուժել են։ Քննիչների կարծիքով՝ այդ պայթյունի կազմակերպիչները կարող էին մասնակից լինել օգոստոսի 17-ին տեղի ունեցած հարձակումներին եւ նույն երեկոյան ծրագրում էին պայթյուն իրականացնել՝ բութանով լի բալոնների միջոցով։
«Մենք կարծում ենք, որ նրանք՝ կասկածյալները պայթուցիկ սարք էին պատրաստում»,-ասել է ոստիկանության ներկայացուցիչը՝ հավելելով, որ Ալկանարում ձերբակալվել է ահաբեկչության մեջ կասկածվողներից մեկը։
