Չինաստանի հարավում՝ Գուանսի Չժուան ինքնավար շրջանում հորդառատ անձրեւներին եւ դրանց հետեւանքով ջրհեղեղներին 10 մարդ է զոհ դարձել։
192,4 հազար մարդ նյութական վնաս է կրել, գրում է «ՌԻԱ Նովոստի»-ն։
Շրջանի մի շարք բնակավայրերում անձրեւները օգոստոսի 12-ից չեն դադարում։ Իշխանությունները ստիպված ավելի քան 11 հազար մարդու են տարհանել։
Վատ եղանակի պատճառով վնասվել են շինությունները, որոշ շրջաններում խախտվել է էլեկտրաէներգիայի մատակարարումը։
Օդերեւութաբանների տվյալներով՝ տուժած շրջաններում անձրեւները կշարունակվեն եւս մի քանի օր։
