Facebook-ի ղեկավար Մարկ Ցուկերբերգը «ֆիզարձակուրդ» կգնա՝ երկրորդ դստեր ծննդյան հետ կապված։ Այս մասին նա գրել է սոցկայքի իր էջում։
«Ես ծրագրում եմ երեխային խնամելու համար երկու ամիս արձակուրդ վերցնել, այս անգամ ես կօգտվեմ այն մաս-մաս վերցնելու հնարավորությունից։ Արձակուրդիս մի ամիսը կանցկացնեմ կնոջս ու աղջիկներիս հետո, իսկ հետո մենք միասին կանցկացնենք ամբողջ դեկտեմբերը»,-նշել է նա։
Ցուկերբերգը չի գրել, թե ով կղեկավարի ընկերությունն իր բացակայության ժամանակ։
Առաջին անգամ Ցուկերբերգը «ֆիզարձակուրդ» է գնացել 2015 թվականի դեկտեմբերին, երբ ծնվեց նրա ավագ դուստրը։