Լարնակայի ոստիկանությունը Հայաստանի քաղաքացու է կալանավորել, որը երկիր է ժամանել կեղծված անձնագրով:
Օգոստոսի 18-ին 38-ամյա տղամարդը Լարնակա է ժամանել Բարսելոնից եւ անձնագրային ստուգման է ներկայացրել փաստաթուղթ, որը գողացված կամ կորցրած է համարվել, հայտնում է «Cyprus Mail»-ը:
Տղամարդը պնդել է, թե Իսպանիայում մինչեւ 2024 թվականի հոկտեմբերը մշտական բնակության թույլտվություն ունի: Նրա մոտ նաեւ Հայաստանի անձնագիր է հայտնաբերվել, որի ժամկետը լրացել էր 2017 թվականի հունիսին: Տղամարդը հայտարարել է, որ իր անձնագիրը գողացել էին, իսկ ավելի ուշ այն գտնվել է եւ իրեն վերադարձվել: Նա պատրաստվում էր ընտանիքի հետ իջեւանել Ayia Napa հյուրանոցում եւ նրան ժամանակավորապես թույլատրել են երկիր մտնել:
Տեղական իշխանությունները կապվել են Հայաստանում Ինտերպոլի բաժանմունքի հետ, իսկ ավելի ուշ տեղեկացվել են, որ տարօրինակ հայկական անձնագիրը կնոջ է տրվել եւ հայտարարության համաձայն՝ 2017 թվականի հունիսին գողացվել է կամ կորել: Այս տեղեկությունը ստանալուց հետո Կիպրոսի իշխանությունները հային հյուրանոցում կալանավորել են: Նա արգելափակված կմնա 3 օր:
