Այս տարի Հայաստանում 1 կգ խաղողի ինքնարժեքը 95 դրամ կլինի, եթե չհաշվենք մարդու աշխատանքի արժեքը։ Այս մասին օգոստոսի 19-ին լրագրողների հետ հանդիպման ժամանակ հայտարարեց Հայաստանի խաղող արտադրողների միության նախագահ Արտակ Սարգսյանը։
Նրա խոսքով՝ այդ պարագայում խաղողի ինքնարժեքը մեկ կիլոգրամի դիմաց կբարձրանա 10-15 տոկոսով, այսինքն՝ կկազմի 120-125 դրամ։ Այդ պայմաններում, Արտակ Սարգսյանի համաձայն՝ խաղողի մթերման արժեքը պետք է լինի առնվազն 180-200 դրամ։ Երկու շաբաթ անց՝ մոտ սեպտեմբերի 8-12-ը, հանրապետությունում կսկսվի խաղողի մթերման սեզոնը, հավելեց նա։