Տուրկու քաղաքի կենտրոնում անցորդների վրա հարձակման թիրախը, ենթադրաբար, կանայք են եղել: Այս մասին, այսօր՝ օգոստոսի 19-ին, մամուլի ասուլիսի ժամանակ նշել է Ֆինլանդիայի կենտրոնական քրեական ոստիկանությունում այդ գործը քննող խմբի ղեկավարը, հաղորդում է «ՏԱՍՍ»-ը:
«Ներկայումս իրավիճակն այնպիսին է, որ հարձակման թիրախը կանայք են եղել: Հարձակման հետեւանքով մահացածները կանայք են, տուժածներից 6-ը կին է, երկուսը՝ տղամարդ: Տղամարդկանց վիրավորել են, երբ նրանք փորձել են օգնել կանանց»,-ասել է նա:
Հիշեցնենք, որ օգոստոսի 18-ին, Տուրկու քաղաքի կենտրոնում մի տղամարդ դանակով հարձակվել է անցորդների վրա, որի հետեւանքով Ֆինլանդիայի երկու քաղաքացի է մահացել: