ԱՄՆ նախագահ Դոնալդ Թրամփը եւ առաջին տիկին Մելանյան չեն մասնակցի Վաշինգտոնում Ջոն Քենեդու անվան Կատարողական արվեստի կենտրոնի պարգեւները հանձնելու արարողությանը: Այս մասին նշված է Սպիտակ տան հաղորդագրության մեջ, հայտնում է Газета.ru-ն:
«Նախագահը եւ առաջին տիկինը որոշել են այս տարի չմասնակցել, որպեսզի դափնեկիրներին հնարավորություն տան տոնել՝ քաղաքականության ուղղությամբ չշեղվելով»,- նշված է հաղորդագրության մեջ:
Սպիտակ տան մամուլի քարտուղար Սարա Հաքաբի Սանդերսը ուղղակիորեն չի հիշատակել բոյկոտի ինչ-որ սպառնալիքի մասին: Հայտարարության մեջ նշված է, որ Դոնալդը եւ Մելանյան շնորհավորում են բոլոր մրցանակակիրներին:
Ինչպես նշում է The New York Times-ը, նման որոշում է, հավանաբար, ընդունվել ամերիկյան առաջնորդի մասնակցության դեպքում արարողությունը բոյկոտելու դափնեկիրների սպառնալիքներից հետո:
