Օգոստոսի 19-ին հարյուրավոր մարդիկ են տարհանվել ԱՄՆ արեւմտյան մի շարք նահանգներում մոլեգնող բնական հրդեհների պատճառով, հայտնում է ՏԱՍՍ-ը։

Օրեգոն նահանգի Սիսթերս քաղաքի մոտ 600 բնակիչ է տարհանվել։ Իշխանությունները եւս 1000 մարդու զգուշացրել են, որ ամեն վայրկյան պատրաստ լինեն տարհանման ։ Սիսթերսից ոչ հեռու հրդեհը բռնկվել էր անցած շաբաթ ու հասել է ընդհուպ մինչեւ քաղաք։ Առայժմ կրակը չի վնասել տներն ու կառույցները։

Եղանակն անբարենպաստ է հրդեհը մարելու համար։ Մոտ օրերը օդերեւութաբանները կանխատեսում են ուժեղ քամի, ինչը կնպաստի կրակի տարածմանը։

Քալիֆորնիայում իշխանությունները կարգադրել են տարհանել Վավոն բնակավայրի բնակիչներին, թվով մոտ 1000 մարդու։ Այս բնակավայրին մոտեցող հրդեհը անցած շաբաթ է բռնկվել։ Իշխանությունների տվյալներով՝ այն առայժմ ընդամենը 10 տոկոսով է հաջողվել կրճատել։