Թուրքիայի Դիարբեքիր քաղաքում Իբրահիմ Յեշիլ անունով 30-ամյա տղամարդը մուրճով հարձակվել է Աթաթուրքի արձանի վրա եւ սկսել վնասել արձանը։
Թուրքական Milliyet-ի փոխանցմամբ՝ արձանից ոչ հեռու հերթապահություն իրականացնող ոստիկանները շտապ դեպքի վայր են մեկնել եւ ձերբակալել Իբրահիմ Յեշիլին։ Տեղ ժամանած մասնագետը նշել է, թե տղամարդուն հաջողվել է վնասել Աթաթուրքի արձանի մի մասը։
Ոստիկանությունում Իբրահիմ Յեշիլը պնդել է, թե ինքը Աթաթուրքին տեսնում է որպես հեթանոսի եւ Աստծո համաձայնությամբ է հարձակվել արձանի վրա։