Միջազգային ցուցահանդեսին մասնակցելու նպատակով Սիրիայի մայրաքաղաք Դամասկոսում գտնվող հայաստանյան պատվիրակությունը չի տուժել երեկվա հրաձգությունից: Այս մասին NEWS.am-ին հայտնում են ՀՀ Արտաքին գործերի նախարարությունից:
«Դամասկոսի ցուցահանդեսի տարածքի հրթիռակոծության արդյունքում ՀՀ դիվանագետներն անվնաս են: Նախնական տվյալներով` տուժածների թվում հայեր չկան: Դեսպանությունը հետևում է իրադրության զարգացմանը: Անհրաժեշտության դեպքում կտրամադրվի լրացուցիչ տեղեկատվություն»:
Հիշեցնենք, Դամասկոսում օգոստոսի 20-ին միջազգային ցուցահանդեսի ժամանակ հրթիռակոծության հետեւանքով չորս մարդ էր զոհվել, կային նաև վիրավորներ:
