Հրդեհի հետեւանքով «Խոսրովի անտառ» պետական արգելոցին հասված կորուստներն անգնահատելի են: Այս մասին հայտարարել է «Խոսրովի անտառ» պետական արգելոց» ՊՈԱԿ տնօրեն Հրաչյա Հովակիմյանը:
«Բայց մենք մեծ հույս ունենք, որ շատ կարճ ժամկետներում կվերականգնվի մեր կորուստների որոշ մասը, եւ մենք սրտացավորեն ու ավելի ուշիմ կերպով կշարունակենք պահպանել մեր արգելոցի հարստությունը»,- նշել է նա:
«Բոլորիս համատեղ ջանքերի շնորհիվ հրդեհի տարածման վտանգը այս պահին չեզոքացվել է և շարունակվում են հետհրդեհային աշխատանքները»,-ընդգծել է Հովակիմյանը՝ շնորհակալություն հայտնելով հրդեհի մարման գործում օգնողներին:
Նշենք, որ մոտավոր հաշվարկներով՝ Խոսրովի արգելոցում այրվել է շուրջ 200 հեկտար Գիհիի, 900 հեկտար կաղնու անտառներ և 1600 հեկտար խոտածածկ տարածք։
