Ֆրանսիայի նախագահ Էմանուել Մակրոնի կինը՝ Բրիջիթ Մակրոնը չի ստացել առաջին տիկնոջ վճարովի պաշտոնը։ Այս մասին ասվում է Ելիսեյան պալատի հաղորդագրությունում։

«Նախագահի կնոջ գործունեությունը չի վճարվում, նա չունի սեփական բյուջե։ Նախագահի կինն ունի երկու օգնական, որոնք պետության ղեկավարի աշխատակազմի մի մասն են»,-ասվում է հաղորդագրությունում։

Ելսիեյան պալատում նշել են, որ տվյալ հրապարակումը նախագահի կնոջը ոչ մի նոր իրավունքով չի օժտում, բայց մատնանշում է Բրիջիթ Մակրոնի հրապարակային դերը։