Սիրիայի Հալեպ նահանգը ամբողջությամբ ազատագրված է ահաբեկիչներից։ Այս մասին ճեպազրույցի ժամանակ հայտարարել է գլխավոր շտաբի գլխավոր օպերատիվ վարչության պետ Սերգեյ Ռուդսկոյը, փոխանցում է «ՌԻԱ Նովոստի»-ն։
«Վերջին ամսում Սիրիայի արաբական Հանրապետությունում արմատական փոփոխություններ են տեղի ունեցել։ Կառավարական զորքերը՝ Ռուսաստանի ՌՏՈՒ-ի աջակցությամբ, լուրջ հաջողությունների են հասել եւ Սիրիայի կենտրոնական մասում զգալի հարվածներ հասցրել «Իսլամական պետություն» կազմակերպությանը։ Հալեպ նահանգն ամբողջությամբ ազատագրված է ահաբեկիչներից»,-ասել է նա։
Ռուդսկոյն ընդգծել է, որ գրոհայիններից ազատագրված է 50 բնակավայր եւ ավելի քան 2.7 հազար ք/կմ սիրիական տարածք։
Նրա խոսքով՝ Աքերբաթի շրջանում հաջողվել է շրջափակել գրոհայինների խոշոր խմբավորմանը, քաղաքը շուտով կազատագրվի։ Սիրիական զորքերը նաեւ ազատագրել են Էս Սուհնե ռազմավարական նշանակության բնակավայրը եւ շարժվում են Դեյր էզ Զորի ուղղությամբ։