Կատալոնիայում ոստիկանությունը հաստատել է, որ իրենք ոչնչացրել են Բարսելոնում ահաբեկչություն իրականացնողին։

Twitter-ում ոստիկանության հաղորդագրության մեջ նշվում է, որ տղամարդը, որին սպանել են Սուբիրաթսում, Բարսելոնում ահաբեկչություն իրականացնող Յունես Աբույակուբն է։

Ավելի վաղ հայտնել էին, որ ոստիկանությունը սպանել է մի տղամարդու, ում վրա մահապարտի գոտի է եղել ամրացված։

Ոստիկանությունը ենթադրում է, որ 22-ամյա մարոկացի Յունես Աբույակուբն է վարել այն ֆուրգոնը, որը մխրճվել էր մարդկանց բազմության մեջ Բարսելոնի Ռամբլա փողոցում օգոստոսի 17-ին։ Հարձակման համար պատասխանատվություն է ստանձնել ԻՊ խմբավորումը։ Ահաբեկչության հետեւանքով, պաշտոնական տվյալներով, զոհվել է 15, վիրավորվել 130 մարդ։