Google կորպորացիան ներկայացրել է նոր օպերացիոն համակարգ՝ Android Oreo-ն, որն անվանակոչվել է ի պատիվ հանրաճանաչ շոկոլադե բլիթի, փոխանցում է Gazeta-ն։

Նոր օպերացիոն համակարգը հասանելի է Pixel սմարթֆոնների համար, որոնք եւս Google-ն է մշակել։ Շուտով Oreo-ն հասանելի կլինի նաեւ այլ արտադրության սմարթֆոնների սեփականատերերի համար։ 

Նորարարություններից է «Նկար նկարում» գործառույթը, որը թույլ է տալիս տեսնել երկու հավելվածները միաժամանակ, ինչպես նաեւ բաց թողնված ծանուցումների ցուցիչը (notification dot) ։

Նշենք, որ Google-ի նախկին օպերացիոն համակարգերը կոչվել են Nougat (նուգա), Marshmallow (զեֆիրի տեսակ)։