Ցանկացած հատուկ պահպանվող տարածքի, այդ թվում՝ «Խորովի անտառ» արգելոցին ճանապարհներ են անհրաժեշտ։ Այս մասին օգոստոսի 22-ին լրագրողների հետ հանդիպման ժամանակ ասաց աշխարհագրագետ Աշոտ Խոյեցյանը։
Նրա խոսքով՝ ոչ ոք չի ասում, թե ասֆալտապատ ճանապարհներ պետք է լինեն։ «Խոսքը հենց հատուկ պահպանվող տարածքների համար նախատեսված ճանապարհների մասին է, արտակարգ պայմաններում շուտափույթ կողմնորոշվելու համար»,-հստակեցրեց Աշոտ Խոյեցյանը։ Ըստ նրա՝ Հայաստանում տարածքները ռացիոնալ օգտագործելու հետ կապված խնդիրներ կան։
Ամբողջ աշխարհը, շարունակեց Խոյեցյանը, կատակլիզմներ է վերապրում։ «Դժբախտաբար, մեր երկիրը եւս գտնվում է ռիսկի գոտում»,-հավելեց նա։