Հյուսիսային Կորեան ավարտել է ամերիկյան Գուամ կղզուն հարված հասցնելու նախապատրաստությունը եւ այն կիրականացնի, եթե ԱՄՆ-ն իրեն խելամիտ չպահի: Այս մասին հայտարարել է Հյուսիսային Կորեայի գործերի ժամանակավոր հավատարմատար Զին Չժոն Հեփը, փոխանցում է «ՌԻԱ Նովոստի»-ն:
«Ինչպես գիտեք, Գուամի վրա հարվածի նախապատրաստությունը մենք ավարտել ենք: Ամեն ինչ կախված է այն հանգամանքից, թե ԱՄՆ-ն իրեն խելամիտ կպահի՞: Եթե այդպես չվարվի, ապա ամբողջ աշխարհի առջեւ Կորեական թերակղզում հերթական խայտառակությանը կարժանանա»,- հայտարարել է Զին Չժոն Հեփը:
Նա հայտարարել է, որ Փհենյանը հետեւում է ԱՄՆ-ի եւ Հարավային Կորեայի զորավարժություններին եւ սադրանքի դեպքում պատրաստ է նախազգուշացնող հարված հասցնելուն:
