Իսպանիայում ահաբեկչությունների իրագործմանը մասնակցելու մեջ կասկածվողները խոստովանել են, որ ահաբեկիչները Բարսելոնում ավելի մեծածավալ հարձակում էին ծրագրել: Այս մասին հայտնում է El Mundo պարբերականը:
4 գլխավոր կասկածյաներին դատարան բերելուց հետո հայտնի է դարձել, որ իրականացված ահաբեկչությունները ընդամենը գլխավոր սցենարի այլընտրանքն էին, որը մի քանի ամիս նախապատրաստվում էր:
Նախապես ծրագրվում էր հզոր պայթուցիկ սարք գործարկել, որը հայտնի է «Սատանայի մայր» անունով, եւ երբ այս ծրագիրը ձախողվել է, ահաբեկիչները մի շարք ահաբեկչություններ են իագործել ավտոմեքենաների օգտագործմամբ:
Հայտնի է դարձել նաեւ, որ պայթուցիկ սարքի բաղադրամասերի գնումը եւ ահաբեկչությունների նախապատրաստումը իրականացվել են այն միջոցների հաշվին, որոնք ձեռք էին բերվել ոսկերչական զարդերի վաճառքից, առավել հավանական է՝ նախկինում գողացված: Ներկայումս հայտնի է, որ դատախազությունը դատարանին միջնորդել է կասկածյալներից մեկին՝ Մոհամմեդ Հուլի Քեմլյալին արգելափակել, նրա փաստաբանը նրան նախազգուշական միջոցառումներով ազատելու խնդրագիր է ներկայացրել:
Պարբերականի աղբյուրների տեղեկություններով՝ Քեմլյալը խոստովանել է, որ հարձակումներ էին ծրագրվել քաղաքի գլխավոր տեսարժան վայրերի շրջանում՝ ներառյալ Հաուդիի ստեղծագործություն Սուրբ Ընտանիքի տաճարը: