Իտալիայի Իսկյա կղզում փրկարարները փլվածքների տակից ողջ մնացած 7 եւ 11 տաեկան եղբայրների են հանել, որոնք Կազամիչոլա քաղաքում փլուզված տան ավերակների տակ էին մնացել: Փրկարարներն ասել են, որ ավագ եղբայրը կրտսերին փրկել է՝ նրան քաշելով մահճակալի տակ, նա նաեւ խոզանակի բռնակով հարվածել է բեկորներին, որպեսզի գրավի փրկարարների ուշադրությունը: Երեխաներն ընդհանուր առմամբ փլվածքների տակ են անցկացրել 14 ժամ, հայտնում է Regnum-ը:
4 բալ ուժգնությամբ երկրաշարժը Իսկյայում տեղի է ունեցել օգոստոսի 21-ի երեկոյան: 2 մարդ զոհվել է, 40 մարդ վիրավորվել, 2 հազար մարդուց ավելին առանց տանիքի են մնացել: Իտալիայի վարչապետ Պաոլո Ջենտիլոնին հրաման է ստորագրել կղզում արտակարգ իրավիճակ հայտարարելու մասին: