ԱՄՆ Ալբուրքեք քաղաքում, Նյու Մեքսիկո նահանգ, երեք մարզիկ ծեծել են կողոպտիչին, որը փորձել է նրանց մեքենան խլել: Այս մասին հայտնում է Fox News-ը:
Ամերիկացի ֆուտբոլիստները համաձայնվել են տեղափոխել 20-ամյա Անգելո Դրյու Մարտինեզին: Ուղեւորության ընթացքում նա ատրճանակով սպառնալով՝ նրանց կարգադրել է մեքենայից դուրս գալ: Նրանք ենթարկվել են, բայց հետո ֆուտբոլիստներից մեկը նկատել է, որ Մարտինեզը զենքը հմուտ չի օգտագործում: Նա նորից մեքենան է նստել եւ հարվածել կողոպտիչի դեմքին: Դրանից հետո ծեծկռտուքին են միացել մյուս մարզիկները:
Ոստիկանական լուսանկարում, որը կատարվել է ձերբակալելուց հետո, Մարտինեզի դեմքը ծածկված է բազմագույն կապտուկներով եւ քերծվածքներով, իսկ կոպերն ուռել են եւ չեն բացվում: Ոստիկանությունից պնդել են, որ ատրճանակը, որով նա ֆուտբոլիստներին սպառնացել է, խաղալիք էր: Մարտինեզը մեղադրվում է 4 զինված հարձակումների եւ քրեական հանցագործություն կատարելու փորձի մեջ: