Հնդկաստանի կենտրոնում քարանետման Gotmar Mela փառատոնի ժամանակ տուժածների ընդհանուր թիվը 462 մարդ է կազմում: Այս մասին հայտնում է India Today պարբերականը:
Ոստիկանության ներկայացուցիչը հայտնել է, որ 10 մարդ ծանր վնասվածքներ են ստացել, որոնցից 3-ի վիճակը ծայրահեղ ծանր է:
Երբ փառատոնի մասնակիցները սկսել են ջարդել շտապ օգնության եւ ոստիկանության մեքենաները, իրավապահները ստիպված էին արցունքաբեր գազ կիրառել:
Պարբերականը հայտնում է, որ Gotmar Mela-ի «արյունահեղ» ավանդույթը մի քանի 100 տարվա պատմություն ունի: Ջաան գետի տարբեր ափերին տեղադրված Փանդհերնա եւ Սավարգաոն գյուղերի բնակիչներն ամեն տարի ափին կանգնում են քարերով զինված: Նշվում է, որ պատահել են նաեւ մահվան դեպքեր:
