Հայաստանի ԱԻՆ-ում, այսօր՝ օգոստոսի 23-ին, ժամը 08:43-ին ահազանգ է ստացվել, որ Երեւան քաղաքի Սախարովի հրապարակում տեղի է ունեցել ավտավթար՝ կան տուժածներ (ավտոմեքենայում արգելափակված), անհարժեշտ է փրկարարների օգնությունը։

Դեպքի վայր է մեկնել երկու մարտական հաշվարկ:

Պարզվել է, որ բախվել են «Mercedes G500» մակնիշի 35 FG 602 (վարորդ` 36-ամյա Զ. Թ.), «Mercdes ML320» մակնիշի 19 OO 594 (վարորդ` Կ. Ն.), «Mercdes E» մակնիշի 20 UL 421 (վարորդ` 1969 թ. Ս. Գ.), «Լեթս Գոու» տաքսի ծառայությանը պատկանող «Renault» մակնիշի 516 OZ 01 (վարորդ` Ա. Ս.) պետհամարանիշերի ավտոմեքենաները. «Mercedes G500» ավտոմեքենան կողաշրջվել է, ինչի հետեւանքով առաջացել է վառելիքի արտահոսք:

Մինչ փրկարարների կանչի վայր հասնելը «Mercedes G500» մակնիշի ավտոմեքենայի ուղեւորներ՝ 12-ամյա Մ. եւ 12-ամյա Ս. Թ.-երը տարբեր աստիճանի մարմնական վնասվածքներով հոսպիտալացվել են «Սրբ. Աստվածամայր ԲԿ, որտեղ բժիշկները տուժածների առողջական վիճակը գնահատել են միջին ծանրության:

Փրկարարները հոսանքազրկել են «Mercedes G500» մակնիշի ավտոմեքենան, կատարել ճանապարհի լվացման աշխատանքներ եւ տեղում իրականացրել հերթապահություն: