Կոպենհագենի առափնյա ջրերում հայտնաբերված առանց գլխի ու վերջույթների կանացի մարմինը պատկանում է անհետացած լրագրող Քիմ Վալին, հայտարարել է Դանիայի ոստիկանությունը։ BBC-ի փոխանցմամբ՝ Վալի մարմինը կանխամտածված կերպով են այլանդակել։
Վերջին անգամ 30-ամյա շվեդ լրագրողին տեսել են դանիացի գյուտարար Պետեր Մադսենի սուզանավում օգոստոսի 10-ին։ Մադսենին կանխամտածված սպանության մեղադրանք է առաջադրվել։
Նախ նա ոստիկաններին ասել է, թե Վալին թողել է Կոպենհագենի կղզիներից մեկում, իսկ հետո փոխել է ցուցմունքը՝ ասելով, որ լրագրողը զոհվել է դժբախտ պատահարի հետեւանքով, իսկ ինքը նրան «հուղարկավորել է» ծովում։
Մադսենի խոսքով՝ սուզանավը ջրասույզ է եղել։ Ավելի ուշ ոստիկանությունը հայտարարել է, որ այն մտադրված կերպով են ջրասույզ արել։