Պետական եկամուտների կոմիտեի նախաբացթողումային հսկողության վարչության կողմից 2017-ի հունիս-օգոստոս ամիսներին հայտնաբերվել է մաքսային կանոնների խախտման 71 դեպք, որից 10-ը` ԵԱՏՄ երկրներից տեղափոխվող բեռների վերաբերյալ:
ՊԵԿ-ից NEWS.am-ին հայտնում են, որ բացահայտված դեպքերից 29-ը եղել է թմրանյութերի եւ հոգեմետ նյութերի մասով: Ընդհանուր առմամբ, այս տարվա ընթացքում ՆՀՎ կողմից բացահայտվել է մաքսային կանոնների խախտման 159 դեպք, որից 23-ը` ԵԱՏՄ բեռների, իսկ 63-ը` թմրանյութերի եւ հոգեմետ նյութերի վերաբերյալ:
Կանխվել են նաեւ օրինախախտ ճանապարհով տարատեսակ ապրանքների, այդ թվում ոսկյա եւ արծաթյա զարդերի, կոսմետիկ միջոցների, տեխնիկայի, տարբեր մոդելի բջջային հեռախոսների, շինանյութի, բժշկական սարքավորումների, գյուղմթերքի, պարենային, տնտեսական եւ այլ ապրանքների ապօրինի տեղափոխման փորձեր:
Արձանագրվել են նաեւ չհայտարարագրված կամ ապրանքների թերհայատարարագրման, մաքսային ապահովման միջոցի վնասման եւ մաքսային կանոնների խախտման այլ փորձեր:
Քաղաքացիները համապատասխան ձեւակերպումներից խուսափելու նպատակով, ապրանքը փորձել են տեղափոխել ավտոմեքենաներում նախապես պատրաստված թաքստոցներում: