Առաջիկա ուրբաթ օրը`օգոստոսի 25-ին, ժամը 20:30 -ին «Զվարթնոց» պատմամշակութային արգելոց-թանգարանի բացօթյա կինոսրահի մեծ էկրանին այցելուների համար կցուցադրվի «Աստվածները երեւի խենթացել են» ամերիկյան ֆիլմարտադրության կատակերգությունը:
«Պատմամշակութային արգելոց-թանգարանների եւ պատմական միջավայրի պահպանության ծառայություն» ՊՈԱԿ-ի լրատվության բաժնից NEWS.am-ին հայտնում են, որ ֆիլմի ռեժիսորի ու սցենարի հեղինակի` պատմությունը հետաքրքիր մատուցելու աներեւակայելի սուր հումորի շնորհիվ կատակերգությունը պատմում է ժամանակակից ու աֆրիկյան հետամնաց ցեղերից մեկի քաղաքակրթությունների բախման մասին:
