ՀՀ Գլխավոր դատախազությունը ստացել է քաղաքացի Սեւակ Ոսկանյանի` Սեւանի ոստիկանությունում խոշտանգումների վերաբերյալ դիմումը: Այս մասին NEWS.am-ին հայտնեցին ՀՀ Գլխավոր դատախազությունից:
«Դիմումն ստացել ենք երեկ, այն արդեն մուտքագրվել է, ընթացք է տրվել դիմումին: Ըստ անհրաժեշտության կներկայացնենք նաեւ լրացուցիչ տեղեկություններ»,-ասացին դատախազությունից:
Ավելի վաղ NEWS.am-ը հայտնել էր, որ քաղաքացի Սեւակ Ոսկանյանը դիմել էր ՀՀ գլխավոր դատախազին` ահազանգելով, որ իրեն բերման են ենթարկել Սեւանի ոստիկանություն, որտեղ խոշտանգել են, սպառնացել ու կորզել ցուցմունքներ: Սեւանի բնակչին սպառնացել են «տրուբի նստեցնել»:
Քաղաքացու դիմումը տարածել էր ԱԺ «Ելք» խմբակցության պատգամավոր Նիկոլ Փաշինյանը:
