«Միս Լիբանան-2017» մրցույթի հաղթող Ամանդա Հաննան կոչումից զրկվել է 2016 թվականին նախաձեռնած Իսրայել ուղեւորության պատճառով, հայտնում է The Independent-ը:
Միջոցառման կազմակերպիչները նման որոշում են ընդունել գեղեցկության մրցույթում աղջկա հաղթանակից մեկ շաբաթ հետո: «Նրա այցելությունը խախտում է մեր երկրի օրենքները»,- նշված է պաշտոնական հաղորդագրության մեջ:
Հաննան երկքաղաքացիություն ունի՝ լիբանանականից բացի, նա շվեդական անձնագիր ունի: Հենց այդ փաստաթղթով է անցյալ տարի գիտական նպատակով Իսրայել այցելել:
Հունիսի 1-ին հաղորդվել էր, որ լիբանանյան կինոթատրոններին արգելել են ամերիկյան «Հրաշք կինը» մարտաֆիլմի ցուցադրումը այն պատճառով, որ ֆիլմում գլխավոր դերում նկարահանվել է Իսրայելի քաղաքացի Հալ Հադոթը: Արգելքը սահմանել էր Լիբանանի Էկոնոմիկայի նախարարությունը:
Լիբանանը եւ Իսրայելը տեխնիկապես պատերազմական վիճակում են, չնայած սահմանին 2006 թվականի զինված հակամարտությունից հետո զանգվածային բախումներ չեն գրանցվում: