Կիբերանվտանգությամբ զբաղվող բրիտանական ընկերությունը Հայաստանում գրասենյակ է բացում:

VST Enterprises միջազգային ընկերությունը Հայաստանում, Հարավային Աֆրիկայում եւ Ասիա-խաղաղօվկիանոսյան տարածաշրջանում գրասենյակներ է բացում, հայտնում է Manchester Evening News-ը:

2012 թվականին ստեղծված ընկերությունը մշակել է VCode տեխնոլոգիան, որը իրական օգտատերերին թույլ է տալիս իրեն նույնականացնել օնլայն գործարքներ կատարելիս:

VCode տեխնոլոգիան կկանխի խնդիրների տարածումը եւ ուղղված է Հոնկոնգում ու Չինաստանում կեղծ ապրանքների մատակարարման դեմ պայքարին, Աֆրիկայի հակամարտային գոտիներում հանքանյութերի արդյունահանման տարածումը բացառելուն եւ ամբողջ մայրցամաքային Եվրոպայում ու Հայաստանում անվտանգ վճարումների համար վիտուալ դրամապանակների տրամադրմանը:

Ընկերությունը ընդլայնման որոշում է ընդունել վերջին ներդրումներից հետո: Ընկերության ղեկավար Լուիս Ջեյմս Դեւիսի խոսքով՝ իր ընկերությունը կորպորացիաների եւ կառավարությունների հետ է աշխատում  այն նպատակով, որ կարգավորի առավել բարդ խնդիրները:

Նշվում է, որ VST Enterprises-ը նոր գրասենյակներում իր ծառայության կառավարման համար մինչեւ 100 աշխատատեղ կստեղծի: