Ամերիկյան ESPN սպորտային հեռուստաալիքը հաղորդավար Ռոբերտո Լիին հեռացրել է Վիրջինիայի համալսարանում ֆուտբոլային հանդիպման մեկնաբանումից այն պատճառով, որ նա կոնֆեդերատների բանակի գեներալի անվանակիցն է: Այս մասին հայտնում է The Independent-ը:
Որոշումը կապված է Վիրջինիայի նահանգի Շարլոթսվիլում տեղի ունեցած անկարգությունների հետ, որտեղ օգոստոսի 12-ին նեոնացիստները տարերային ջահերով երթ էին անցկացրել՝ տեղական իշխանություններից պահանջելով հրաժարվել գեներալ Ռոբերտ Էդվարդ Լիի հուշարձանը հանելուց:
Հեռուստաալիքի հայտարարության մեջ նշված է, որ հեռացումը պայմանավորված է քաղաքում ավելորդ անգամ հակամարտություն չբորբոքելու ցանկությամբ: Ինքը հաղորդավարը իրավիճակը չի մեկնաբանել:
Ռոբերտ Լին սպորտային մեկնաբան է աշխատում 1999 թվականից: Որոշումը տարածվել է բացառապես Շարլոթսվիլում հանդիպումների վրա. հաղորդավարն արդեն պատրաստվում է Յանգսթաունի Պետական համալսարանում ֆուտբոլային հանդիպման մեկնաբանմանը: