Թուրքմենստանի նախագահ Գուրբանգուլի Բերդիմուհամեդովը պաշտոնական այցով ժամանել է Երեւան (ֆոտոռեպորտաժ):
NEWS.am-ի թղթակիցը հայտնում է, թե Բերդիմուհամեդովի ինքնաթիռը վայրէջք է կատարել Երեւանի «Զվարթնոց» օդանավակայանում։ Նրան դիմավորել է Էներգետիկ ենթակառուցվածքների և բնական պաշարների նախարար Աշոտ Մանուկյանը։
Նշենք, որ Թուրքմենստանի նախագահը Հայաստան է ժամանել նախագահ Սերժ Սարգսյանի հրավերով։ Այցի շրջանակներում նախատեսված են Թուրքմենստանի նախագահի հանդիպումները ՀՀ բարձրագույն ղեկավարության հետ:
Հանրապետության նախագահի նստավայրում հայ-թուրքմենական բարձր մակարդակի բանակցությունների ավարտին նախատեսվում է փաստաթղթերի ստորագրման արարողություն:
Նախագահներ Սերժ Սարգսյանը եւ Գուրբանգուլի Բերդիմուհամեդովը ԶԼՄ-ների առջեւ հանդես կգան բանակցությունների արդյունքներն ամփոփող հայտարարություններով: