News
Լրահոս
News
Չորեքշաբթի
Նոյեմբեր 30
USD
395.53
EUR
393.43
RUB
6.42
Տեսնել լրահոսը

Մայր Աթոռ Սուրբ Էջմիածինը մտահոգված լինելով, որ Ախալցխայի Երեւման Ս. խաչ եկեղեցու վերանորոգման ընթացքում եկեղեցու դրսի պատերին եւ ներսի խորանում գտնվող խաչքարերը հանվել են եւ փոխադրվել գավառագիտական թանգարան, Վիրահայոց թեմի միջոցով դիմել է Վրաստանում Հռոմեա-կաթոլիկ եկեղեցու առաջնորդությանը` եկեղեցու նախնական վիճակն անխաթար պահպանելու խնդրանքով:

Ի պատասխան NEWS.am-ի հարցի, թե ինչպե՞ս են ընթանում Ախալցխայի Երեւման Ս. խաչ եկեղեցու վերանորոգման աշխատանքները, Ամենայն հայոց Կաթողիկոսի մամլո խոսնակ Տ. Վահրամ քահանա Մելիքյանն ասել է.

«2009 թ. աշնանը Վրաստանի իշխանությունները Ախալցխայի Ռաբաթ թաղամասի վերնամասում գտնվող Երեւման Ս. Խաչ հայ կաթոլիկ եկեղեցին իր տարածքով հանձնել են կաթոլիկ համայնքին` պայմանով, որ խոնարհված եկեղեցին վերանորոգվի: Ասեմ, որ 7-րդ դարից մինչեւ 18-րդ դարի սկիզբը այս եկեղեցին պատկանել է Հայ Առաքելական Եկեղեցուն: Այնուհետեւ եկեղեցին գործածվել է հայ կաթողիկե համայնքի կողմից, քանզի Առաքելական եկեղեցու հետեւորդ հայորդիներ այդ շրջանում չեն բնակվել եւ եկեղեցին փակ է եղել: Նկատի առնելով այն, որ հիշյալ եկեղեցին նաեւ Հայոց Եկեղեցու պատմական ժառանգության մի մասնիկն է, Վիրահայոց թեմի առաջնորդին հավաստիացվել էր, որ նորոգության ընթացքում հայկական ինքնության որեւէ նշան չի ոնչացվի, ընդհակառակը` լավագույնս կպահպանվի:

Օրերս տեղեկացանք, որ եկեղեցու դրսի պատերին եւ ներսի խորանում գտնվող խաչքարերը հանվել են եւ փոխադրվել գավառագիտական թանգարան: Տեղաշարժվել են նաեւ եկեղեցու բակում գտնվող հայկական եւ վրացական արձանագրություններով տապանաքարերը:

Խնդրի առնչությամբ Մայր Աթոռը Վիրահայոց թեմի միջոցով դիմել է Վրաստանում Հռոմեա-կաթոլիկ եկեղեցու առաջնորդությանը` անխաթար պահպանելու եկեղեցու նախնական վիճակը:

Վստահ ենք, որ Կաթոլիկ Եկեղեցու պատկան իշխանությունների կողմից այս ուղղությամբ անհրաժեշտ քայլերը կձեռնարկվեն,  որպեսզի կատարվածն անհանգստություն առաջ չբերի մեր հավատացյալների մոտ»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հայաստանի և Վրաստանի փորձագիտական կառույցները համաձայնել են կնքել փոխգործակցության հուշագիր
Այցի շրջանակներում Դավիթ Ղուլյանի գլխավորած պատվիրակությունը ծանոթացել է երկու փորձագիտական կենտրոններում փորձաքննություններ իրականացնող բոլոր...
Թբիլիսին և Երևանը կարող են տևական խաղաղություն բերել․ Վրաստանում ամփոփում են ՀՀ ԱԺ նախագահի այցը
Թբիլիսին և Երևանը, ըստ նրանց, կարողանում են պահպանել ու զարգացնել այդ հարաբերությունները...
Սիսակ Գաբրիելյանը եւ Էլիսո Բոլկվաձեն ստորագրել են համատեղ հուշագիր
ՀՀ ԱԺ նախագահի գլխավորած պատվիրակության կազմում Թբիլիսիում գտնվող…
Բարձր ենք գնահատում Վրաստանի՝ խաղաղության պահպանմանն ուղղված հետաքրքրվածությունը. Ալեն Սիմոնյանը՝ Վրաստանի վարչապետին
Պաշտոնական այցով Վրաստանում գտնվող ՀՀ ԱԺ նախագահ Ալեն Սիմոնյանի գլխավորած պատվիրակությանն ընդունել է Վրաստանի վարչապետ Իրակլի…
Հետաքրքրված ենք Վրաստանի հետ ռազմավարական գործընկերության հաստատմամբ. Ալեն Սիմոնյանը՝ Վրաստանում է
ՀՀ ԱԺ նախագահը շնորհակալություն է հայտնել գործընկերոջը հրավերի եւ ջերմ ընդունելության համար: «Մենք առանձնապես կարեւորում ենք Վրաստանի հետ մեր…
ԱԺ նախագահի պաշտոնական այցը Վրաստան մեկնարկել է դիվանագիտական հարաբերությունների խորհրդանշական միջոցառմամբ
Հայ-վրացական համատեղ անցած ճանապարհը, պատմական առնչությունները եւ ավանդույթներն ունեն հազարամյակների պատմություն․․․
Ամենաշատ