Samsung կորպորացիան ներկայացրել է նոր Galaxy Note8 սմարթֆոնը:
Այն կունենա 6,3-դյույմանոց էկրան՝ 1440 x 2960 պիկսել թույլատրելիությամբ եւ կողմերի 18,5:9 հարաբերակցությամբ: Սարքի պատյանը ապակուց եւ մետաղից է, IP68 ստանդարտով պաշտպանված է ջրից եւ փոշուց: Note 8-ը հագեցած է 8-միջուկանի Exynos 8895 պրոցեսորով եւ 6 գիգաբայթ օպերատիվ հիշողությամբ, հայտնում է Lenta.ru-ն:
Սարքի գլխավոր առանձնահատկությունը կրկնակի խցիկն է, որոնցից երկուսն էլ ունեն 12 մեգապիկսել թույլատրելիություն: Երկու մոդուլն էլ օպտիկական կայունարար ունեն, դրանից բացի՝ առկա է դիմանկարային ռեժիմ:
