Ոստիկանությունը 20 մարդու է հայտնաբերել, որոնց, ենթադրաբար, իրենց կամքին հակառակ են պահել Մեծ Բրիտանիայի Ուեսթ Միդլենդս կոմսության 3 ռեստորաններում: Նրանց մեծ մասը եղել են Ռումինիայի եւ Սլովակիայի քաղաքացիներ: Այս մասին հայտնում է Guardian պարբերականը:
Ռեստորանները գտնվել են 3 քաղաքներում՝ Վուլվերհեմփթոնում, Քովենթրիում եւ Ուեսթ Բրոմիջում: Ոստիկանությունը ձերբակալել է սլովակական ծագմամբ 49-ամյա տղամարդու եւ 45-ամյա կնոջ: Նրանց կասկածում են, որ էժան աշխատուժ են առաջարկել հավաքագրման գործակալության միջոցով:
Շուրջկալների ժամանակ ոստիկանների հայտնաբերած մարդկանց հետ ոստիկանության աշխատակիցները հարցազրույց կանցկացնեն: Նրանց, ում տուժող կճանաչեն, այլ աշխատանք կառաջարկեն:
