Կատալոնիայում ահաբեկչություններին մասնակցության կասկածյալներից մեկը ներում է հայցել տեղի ունեցածի համար: Այս մասին հայտնում է El Pais-ը:
Պարբերականի տեղեկություններով՝ դատարանում ցուցմունքներ տալիս 21-ամյա կասկածյալ Մուհամմեդ Հոուլի Շեմլյալը խոստովանել է, որ ահաբեկչական բջիջը պատրաստվում էր Բարսելոնում խոշոր ահաբեկչություն կազմակերպել՝ Սագրադա Ֆամիլիա տաճարի մոտ պայթուցիկի կիրառմամբ:
Ձերբակալվածն ինքը չի մասնակցել Կատալոնիայի հարձակումներին, քանի որ տուժել է ահաբեկչություններից առաջ Ալկանարում տեղի ունեցած պայթյունի հետեւանքով: Պարբերականի տեղեկություններով՝ ահաբեկիչը դատարանում զղջացել է եւ ներում հայցել:
