«Սասնա ծռեր» խմբի 18 անդամի գործով դատական նիստին այսօր՝ օգոստոսի 24-ին, պաշտպան Լիպարիտ Սիմոնյանին դատավոր Արտուշ Գաբրիելյանին ինքնաբացարկի միջնորդություն ներկայացրեց:
Ըստ պաշտպանի՝ Արտուշ Գաբրիելյանը նիստն անցկացնում է՝ խախտելով Քրեական դատավարության օրենսգիրքը: Նշենք, որ դատավորը, ինչպես միշտ, այսօր էլ փորձում է նիստն անցկացնել առանց ամբաստանյալների ներկայության: Պաշտպանները պնդեցին, որ առանց իրենց պաշտպանյալների նիստն անցկացնելն ապօրինություն է: Պաշտպան Լուսինե Սահակյանը հայտարարեց, որ հարցը նույնիսկ քննարկման ենթակա չէ, քանի որ առանց պաշտպանյալների մասնակցության՝ չի կարող տեղի ունենալ նիստ:
Արտուշ Գաբրիելյանի ապօրինություններին չմասնակցելու հիմնավորմամբ՝ Լուսինե Սահակյանը լքեց նիստերի դահլիճը, իսկ Արտուշ Գաբրիելյանը հեռացավ խորհրդակցական սենյակ՝ ինքնաբացարկի միջնորդության վերաբերյալ որոշում կայացնելու: