ՀՀ կառավարությունն օգոստոսի 24-ին կայացած հերթական նիստում հավանության է արժանացրել Հայաստանի եւ Բրազիլիայի կառավարությունների միջեւ «Առեւտրային եւ ներդրումային համագործակցության մասին» փոխըմբռնման հուշագիրը:

Որոշման նախագիծը ներկայացրել է տնտեսական զարգացման եւ ներդրումների նախարար Սուրեն Կարայանը: Հուշագրում սահմանված են Հայաստանի եւ Բրազիլիայի միջեւ առեւտրի եւ ներդրումային գործունեության ոլորտներում համագործակցության ընդհանուր սկզբունքները:

Հուշագիրը համատեղ աշխատանքների հիմք կհանդիսանա՝ երկու երկրներում հավասարության եւ փոխշահավետ սկզբունքներով գործարար նախաձեռնությունների խթանման համար: