Հայաստանի կառավարությունն օգոստոսի 24-ի նիստում հավանության արժանացրեց «Հայաստանի եւ Ավստրիայի կառավարությունների միջեւ օդային տրանսպորտի մասին համաձայնագրի վավերացման մասին» օրինագիծը: Այն ներկայացրեց կառավարությանն առընթեր Քաղաքացիական ավիացիայի գլխավոր վարչության ղեկավար Սերգեյ Ավետիսյանը:
Հայաստանի եւ Ավստրիայի կառավարությունների միջեւ օդային տրանսպորտի մասին համաձայնագիրը ստորագրվել է 2014 թվականի հունիսի 11-ին Վիեննայում: Կառավարության օրենսդրական նախաձեռնությունը սահմանված կարգով կներկայացվի ՀՀ Ազգային ժողով: